ზუგდიდში, სააკაშვილის საქართველოში დაბრუნების მოთხოვნით ხელმოწერებს აგროვებენ
24.10.2019 / 24 ოქტომბერი 2019
შეწყდეს პოლიტიკურად მოტივირებული დევნა საქართველოს მესამე პრეზიდენტის, მიხეილ სააკაშვილის მიმართ და დაუბრუნდეს თავის სამშობლოს. ამ მოთხოვნით, “ერთიანი ნაციონალური მოძრაობის” მხარდამჭერები ზუგდიდში ხელმოწერებს აგროვებენ.
“ერთიანი ნაციონალური მოძრაობის” ერთ-ერთმა მხარდამჭერმა, ლევან კვარაცხელიამ აღნიშნა, რომ ზუგდიდში ხელმოწერების შეგროვება ერთი თვეა მიმდინარეობს. “ხელმოწერების შეგროვება მიმდინარეობს, თბილისში, ზესტაფონში და ქუთაისში. მოთხოვნას ემიგრანტებიც უერთდებიან”.
