სენაკში აუდიტესკორტის ტექნიკურ ზედამხედველთა ჯგუფთან შეხვედრა გაიმართა
სენაკის მუნიციპალიტეტის მერი ლევან კუპრეიშვილი პირველ მოადგილესთან გრიგოლ ბაღათურიასთან და მოადგილე კახაბერ კუპრეიშვილთან ერთად შპს ,,თი აი ეი ჯი აუდიტესკორტის“ ტექნიკურ ზედამხედველთა ჯგუფს შეხვდა.
სამუშაო შეხვედრას, სადაც დეტალურად იქნა განხილული სენაკის მუნიციპალიტეტში – ქალაქად და სოფლად მიმდინარე ინფრასტუქტურული პროექტების ვადებში და ხარისხიანად დასრულების საკითხი, მერიის სივრცითი მოწყობისა და ინფრასტრუქტურის სამსახურის უფროსი ვახტანგ ფაცაცია, ზედამხედველობის სამსახურის უფროსი ედიკა ბერაია, ადმინისტრაციული სამსახურის შესყიდვების განყოფილების უფროსი ხათუნა ჭანტურია ესწრებოდნენ.
საქართველოს ვიცე-პრემიერ მინისტრის, რეგიონული განვითარებისა და ინფრასტრუქტურის მინისტრის, მაია ცქიტიშვილის დავალებით შექმნილი სამუშაო ჯგუფი, რომელშიც ჩართულნი არიან, როგორც სამინისტროს წარმომადგენლები, ასევე მშენებლები, ექსპერტები, რწმუნებულის ადმინისტრაცია და მუნიციპალიტეტების წარმომადგენლები, რეგიონებში ინფრასტრუქტურული პროექტების მიმდინარეობას ყოველდღიურ რეჟიმში აკვირდებიან.
