ზუგდიდში მეგრული ფოლკლორის პირველი საერთაშორისო ფესტივალი 16 ივლისს აიღებს სტარტს
ზუგდიდის მუნიციპალიტეტის მერიამ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალის „კოლხი და…“ ორგანიზებისთვის ტენდერი გამოაცხადა, რომლის შესყიდვის ღირებულება 32 308 ლარია.
სატენდერო დოკუმენტაციის თანახმად, გამარჯვებულმა უნდა უზრუნველყოს მოწვეული სტუმრების სასტუმროში დაბინავება, არანაკლებ ორჯერადი კვებით (საუზმე, სადილი), სცენის გაფორმება კონსტრუქციებით, ბანერით, ეფექტებითა და განათებებით, მოიწვიოს ღონისძიების წამყვანი, ჯილდოსა და სასაჩუქრე ნივთების მოწოდება, ფეიერვერკების გაშვების მომსახურება, ფესტივალის დღეს მოწვეული სტუმრებისათვის ფურშეტის ორგანიზების მომსახურება.
მეგრული ფოლკლორის პირველი საერთაშორისო ფესტივალი ზუგდიდში 18 ივნისს დაფუძნდა.
ფესტივალში მონაწილეობას, როგორც ქართველი, ასევე, უცხოელი შემსრულებლები მიიღებენ. ღონისძიება, რომელიც ვლაქერნობის დღესასწაულის ფარგლებში ჩატარდება, 16 ივლისს გაიმართება.
