ნინო ვიბლიანი ეწერში საჯარო სკოლის მშენებლობის პროცესს გაეცნო
04.03.2019 / 4 მარტი 2019
წალენჯიხის მუნიციპალიტეტის სოფელ ეწერში ახალი საჯარო სკოლა შენდება. სამშენებლო პროცესს ადგილზე სამგერელო-ზემო სვანეთის სახელმწიფო რწმუნებულის მოადგილე ნინო ვიბლიანი, წალენჯიხის მერთან ერთად გაეცნო.
ახალი თანამედროვე საჯარო სკოლა 120 მოსწავლეზეა გათვლილი, და მისი მშენებლობა მიმდინარე წელს დასრულდება. ეწერის საჯარო სკოლა ავარიული იყო, რის გამოც მოსწავლეები განათლებას სოფლის ადმინისტრაციულ შენობაში, არასათანადო პირობებში იღებდნენ.
პროექტის სახარჯთაღრიცხვო ღირებულება 2 233 414 ლარს შეადგენს. სამშენებლო სამუშაოებს ტენდერში გამარჯვებული კომპანია „აგრომშენსერვისი“ ასრულებს . წელს, რეგიონში 8 ახალი სკოლის მშენებლობა იგეგმება.
