ინციდენტი ზუგდიდში – უცნობი პირები “ნიკორას” მაღაზიაში შეიჭრნენ და თანამშრომლები სცემეს
რამდენიმე წუთის წინ ინციდენტი მოხდა ზუგდიდში. “ნიკორას” ქსელის ერთ-ერთ მაღაზიაში, ე.წ “საჯვაროს უბანთან”, ჯერჯერობით დაუდგენელი პირები შეიჭრნენ. მაღაზიის ინვენტარი და პროდუქცია დალეწეს და ფიზიკური შეურაცხყოფა მიაყენეს მაღაზიის გამყიდველსა და კონსულტანტს.
ამ წუთებში მაღაზიის თანამშრომლები ზუგდიდის რეფერალურ საავადმყოფოში არიან გადაყვანილნი. ექიმების განცხადებით, დაშავებულებს სერიოზული დაზიანებები არ არენიშნებათ, თუმცა ფსიქოლოქიური სტრესის ქვეშ არიან.
თვითმხილველების განცხადებით, მაღაზიასთან დაახლოებით ნახევარი საათის წინ ორი უცნობი მამაკაცი შენიშნეს, რომლებიც არაფხიზელ მდგომარეობაში იმყოფებოდნენ. სხვა დეტალებზე ვერ საუბრობენ.
შემთხვევის ადგილზე ამ წუთებში ზუგდიდის პოლიციის თანამშრომლები იმყოფებიან.
აღნიშნულ ინციდენტთან დაკავშირებით შსს-ში აცხადებენ, რომ გამოძიება 239-ე მუხლით აღიძრა, რაც ხულიგნობას გულისხმობს
მსგავსი სიახლეები
გიორგი გამსახურდია: ზუგდიდში შევხვდი ეროვნულ და ნამდვილ ხალხს და ყველა შევთანხმდით, რომ ჩვენი ქვეყნის გადარჩენა არის მშვიდობა და არსებული კურსი
გეგა შენგელია – მე დავიბადე და გავიზარდე ზუგდიდში და კარგად ვიცი აქაური საჭირბოროტო საკითხები
