უამინდობა საქართველოში 20 თებერვლამდე გაგრძელდება
საქართველოში უამინდობა 20 თებერვლამდე გაგრძელდება, – ამის შესახებ გარემოს ეროვნული სააგენტოს ამინდის გრძელვადიანი პროგნოზების სამმართველოს უფროსის მოადგილე, ნინო წვერავამ განაცხადა.
სინოპტიკოსები საქართველოს გარკვეულ რეგიონებში ძლიერ ქარს პროგნოზირებენ, რომლის სიჩქარე 20-25 მეტრი/წამში იქნება.
„დასავლეთ საქართველოში დღეს თითქმის ყველგან წვიმს. მთაში და მაღალ მთაში კი თოვს. ძლიერი ქარია როგორც დასავლეთში (17-22მეტრი/წამში), ასევე აღმოსავლეთში (20-25 მეტრი/წამში). დღეს დილით, შიდა ქართლში წვიმიანი ამინდი თოვლში გადაიზარდა.
დასავლეთ საქართველოს უმეტეს რაიონში წვიმაა მოსალოდნელი. ხვალ დილით ცოტა გამოიდარებს, თუმცა, დღის მეორე ნახევარში წვიმა დაიწყება, რომელიც 19 თებერვლამდე გაგრძელდება. შესაძლოა, მთიან რაიონებში ნალექი თოვლშიც გადავიდეს. 18-19 თებერვალს დასავლეთ საქართველოს დაბლობში ღამით ტემპერატურა +1,+6 გრადუსი იქნება; დღისით +3,+8; მთაში ღამით -4, +1; დღისით -3 +2; მაღალ მთაში ღამით -7,-2, დღისით -5, 0“,- განაცხადა ნინო წვერავამ.
მსგავსი სიახლეები
დასავლეთ საქართველოში კონსტიტუციური კანონპროექტების განხილვა დასრულდა, მოსახლეობასთან შეხვედრები აღმოსავლეთ საქართველოში გაგრძელდება
1 აგვისტოდან 20 აგვისტომდე საქართველოში აივ ინფიცირებულთა რაოდენობა 36-ით გაიზარდა
