სოციოლოგი: სალომე ზურაბიშვილი მეორე ტურში 52%-ზე მეტს აიღებს
კომპანია „გორბის“ დამფუძნებლის, სოციოლოგ მერაბ ფაჩულიას თქმით, მათ ჩაატარეს კვლევა როგორც პირველი, ისე მეორე ტურის წინ. ფაჩულია აცხადებს, რომ მეორე ტურში დამოუკიდებელი კანდიდატი სალომე ზურაბიშვილი 52%-ზე მეტ ხმას მიიღებს.
„მე უფრო მეტ წონას მივცემდი სალომეს ზურაბიშვილს, ვიდრე გელაპის გამოკვლევამ, რომელმაც დათვალა, რომ ის მეორე ტურში 52%-ს მიიღებს“, – განაცხადა ფაჩულიამ თუმცა კონკრეტული ციფრი არ დაუსახელებია, რადგან კვლევაზე მათ მუშაობა გუშინ დაასრულეს.
ფაჩულიამ „ქართული ოცნებაც“ და „ნაციონალური მოძრაობაც“ გააკრიტიკა და ისინი მკვლევრების მიმართ არადეკვატურ დამოკიდებულებაში დაადანაშაულა. „მკვლევრები ასეთ ქცევას დემოკრატიულ საქართველოში არ ვიმსახურებთ“, – ამბობს ფაჩულია.
გარდა ამისა, სოციოლოგი აცხადებს, რომ საქართველოში დაახლოებით 25%-ს არ სურს ქალი პრეზიდენტად და ეს უკრაინაში იულია ტიმოშენკოს მაგალითს შეადარა, თუმცა მისი თქმით, ახალი მონაცემებით, ეს სიტუაცია გამოსწორებულია.
საპრეზიდენტო არჩევნების მეორე ტური დღეს რომ ტარდებოდეს, პრეზიდენტობის რომელ კანდიდატს მისცემდით ხმას? – ტელეკომპანია „იმედმა“ წინასაარჩევნო განწყობების შესახებ კვლევა „გელაპ ინტერნეიშენალს“ დაუკვეთა. ხმები ალოკაციის შედეგად ასე განაწილდა: სალომე ზურაბიშვილი – 52%, გრიგოლ ვაშაძე – 48%.
