იტალიის ქალაქ ბარიში ქართველი მამაკაცის ცხედარი იპოვეს
19.10.2018 / 19 ოქტომბერი 2018
იტალიის ქალაქ ბარიში, სან-ნიკოლას ტერიტორიაზე 31 წლის, ქართველის ცხედარი იპოვეს.
იტალიური მედიის ცნობით, ახალგაზრდა მამაკაცი სავარაუდოდ, მოკლულია, რადგან მას სხეულზე დაზიანებები აქვს მიყენებული.
ქართველი ემიგრანტების თქმით, ახალგაზრდა მამაკაცის მკვლელობის მიზეზი მათთვის უცნობია.
შემთხვევის ადგილზე ექსპერტ-კრიმინალისტები მუშაობენ.
საქართველოს საგარეო სამინისტროში აცხადებენ, რომ იტალიაში საქართველოს საკონსულო მუდმივ კომუნიკაციაშია ადგილობრივ სამართლადამცავებთან. მათივე ინფორმაციით, ცხედარს ჩაუტარდება ექსპერტიზა.
