ბესარიონ აპლია – ჩვენ, აფხაზები კირილზე ვსაუბრობთ როგორც დიდ ბატონზე
ე.წ. აფხაზეთის ეკლესიის „მეთაური“ ბესარიონ აპლია მსოფლიო პატრიარქის გადაწყვეტილებას უკრაინის ეკლესიისთვის ავტოკეფალიის მინიჭების შესახებ უგუნურ და ამერიკელებისა და ევროპელების მიერ ინსპირირებულს უწოდებს. ამის შესახებ მან „რია ნოვოსტის“ განუცხადა.
„მართლადიდებელი ეკლესია ერთია და წესები, რომლებიც მართლმადიდებელ სამყაროში არსებობს, ყველასთვისაა განკუთვნილი. ვინც ისინი ანათემას გადასცა, მათვე უნდა გადაწყვიტონ აპატიონ თუ არა. პატიებისთვის კი საჭიროა მონანიება. სინანულის წერილი არ არის. როგორ შეეძლო მათთვის ანათემის მოხსნა ბართლომეოსს, რომელსაც მათთან არავითარი კავშირი არ აქვს? სწორედ ეს არის რუსეთის მართლმადიდებელი ეკლესიის კანონიკურ ტერიტორიაზე შეჭრა. სახეზეა კანონიკური ნორმებისა და სამოციქული დადგენილებების დარღვევა. კონსტანტინოპოლმა საკუთარ თავზე აიღო ასეთი უგუნური მიდგომა მართლმადიდებლური საკითხის გადასაწყვეტად“, – აღნიშნა ბესარიონ აპლიამ.
მისი თქმით, თუკი საეკლესიო ვითარებაში რამე საკითხი წამოიჭრება, ეს კანონიკურმა ადამიანებმა უნდა გადაჭრან, რომლებიც უკრაინის ეკლესიაში არიან. „რუსეთი ხომ არ ართმევს უკრაინას ავტონომიას?! ამ კონფქლიქტში აფხაზეთი მოსკოვს და პატრიარქ კირილს უჭერს მხარს. ჩვენ, აფხაზები კირილზე ვსაუბრობთ, როგორც დიდ ბატონზე, მამასა და ქართული აგრესიისგან დამცველზე. ქართულ აგრესიას თან სდევდა სწორედ ასეთი უხეში დარღვევები. ჩვენ არ შეგვიძლია განათლება ქართულ ენაზე. ჩვენ ვიცავთ მართლმადიდებლობის სიმართლეს, სიმართლე კი – რუსეთის მხარესაა“, – აცხადებს ე.წ. ეკლესიის მეთაური.
მსგავსი სიახლეები
ირაკლი ღარიბაშვილი: სააკაშვილი რომ ყოფილიყო ხელისუფლებაში, პერსპექტივა კი არ გვექნებოდა, ჩვენ საერთოდ არსებობს შევწყვეტდით, როგორც სუვერენული სახელმწიფო
ირაკლი ჩიქოვანი – ზუგდიდი გახდება კიდევ უფრო მიმზიდველი ქალაქი, როგორც ზუგდიდელებისთვის, ისე ტურისტებისთვის, ჩვენ შევქმნით ამისათვის მეტ ეკონომიკურ შესაძლებლობას
