ჩხოროწყუში სახალხო დღესასწაული “ნაფიჩხოვობა” აღნიშნეს
21.09.2018 / 21 სექტემბერი 2018
,,ნაფიჩხოვობა“ ყოველ 21 სექტემბერს, ღვთისმშობლის დღესასწაულს ემთხვევა და ის ღვთისმშობლის მშენებარე ეკლესიაში წირვა-ლოცვის აღვლენით დაიწყო. ჩხოროწყუს მუნიციპალიტეტის სოფელ ნაფიჩხოვოს კულტურის სახლში ხალხურ ანსამბლ ,,კავკასიონის“ მონაწილეობით კონცერტი ჩატარდა.
სხვადასხვა სპორტულ აქტივობასთან ერთად გაიმართა მარულაც. სახალხო დღესასწაულს მოგვიანებით მარტვილისა და წალენჯიხის მუნიციპალიტეტების მერები, ალექსანდრე გრიგალავა და ბესიკ ფარცვანიაც შემოუერთდნენ. გამარჯვებული მონაწილეები მედლებითა და სიგელებით დაჯილდოვდნენ.
სახალხო დღესასწაულს სამეგრელო-ზემო სვანეთის მხარის გუბერნის წარმომადგენლები და ჩხოროწყუსა და სენაკის ეპარქიის სასულიერო პირებიც დაესწრნენ.
