ზუგდიდში “ტყის ძმების” მეთაურის, დათო შენგელიას დაცვის უფროსი დააკავეს
სახელმწიფო უსაფრთხოების სამსახურის ანტიკორუფციულ სააგენტომ ზუგდიდის პოლიციის ყოფილი მაღალჩინოსანი და “ტყის ძმების” დაცვის უფროსი ზაზა ხასაია დააკავეს. STV-ს ინფორმაციით ხასაიას სახლიდან ჩხრეკისას ამოღებულია იარაღი. სხვა ინფორმაცია ამ დრომდე უცნობია. ზაზა ხასაიას ოჯახის წევრები ამ დრომდე კომენტარს არ აკეთებენ.
ერთ საათში “სუს”-ის ზუგდიდის ოფისთან ზაზა ხასაიას მეუღლე დაბარებულია გამოკითხვაზე.
სახელმწიფო უსაფრთხოების სამსახურის ანტიკორუფციულ სააგენტოში კი ზაზა ხასაიას დაკავებასთან დაკავშირებით შემდეგი სახის განცხადება გაავრცელა:
“სახელმწიფო უსაფრთხოების სამსახურის ანტიკორუფციულ სააგენტოში მიმდინარეობს გამოძიება ქრთამის აღების ფაქტზე, საქართველოს სსკ-ის 338-ე მუხლით. მიმდინარე გამოძიების ფარგლებში, ჩატარებული საცხოვრებელი სახლების და მანქანების ჩხრეკის შედეგად, დაკავებულია მოქალაქე ზაზა ხ. აღნიშნულ საქმესთან დაკავშირებით საგამოძიებო მოქმედებები გრძელდება”-ნათქვამია გავრცელებულ განცხადებაში.
ცნობისათვის, “ტყის ძმების” ლიდერის, დათო შენგელიას დაცვის უფროსი ზაზა ხასაია დროებით ბიზნესმენ ზურაბ კვირკვიას დაცვის უფროსობასაც ითავსებდა, რომელიც გავრცელებულ ფარულ ჩანაწერებში ფიგურირებს.
