საახალწლო კონცერტი სენაკში (R)
28.12.2019 / 28 დეკემბერი 2019
მუნიციპალიტეტის ხელოვნების ცენტრის წლის შემაჯამებელი კონცერტის შემდეგ, დღეს, საახალწლო კვირეულის ფარგლებში, მოსწავლე-ახალგაზრდობისა და კულტურის ცენტრმა, წარმატებული და ნაყოფიერი 2019 წელი შეაჯამა.
საკონცერტო პროგრამა ცენტრთან არსებულ ყველა სეგმენტს – ქორეოგრაფიულ ცეკვებს, ინდივიდუალურ შემსრულებლებს, შემოქმედებით ჯგუფებს, ახალგაზრდული თეატრის დასს აერთიანებდა.
წლის შემაჯამებელ საღამოს სენაკის მუნიციპალიტეტის მერის მოადგილე კახაბერ კუპრეიშვილი, მერიის განათლების, კულტურის, სპორტისა და ახალგაზრდობის სამსახურის უფროსი გივი მისაბიშვილი, მოსწავლე-ახალგაზრდობისა და კულტურის ცენტრის დირექტორი ლევან უჩანეიშვილი, ადგილობრივი თვითმმართველობისა და საზოგადოების წარმომადგენლები ესწრებოდნენ.
