მდინარაძე „ხმა ერისა ხმა ხსნისა“ აქციაზე: დავავალებ, რომ დეტალურად გამოიკვლიონ ეს საკითხი
საპარალამენტო უმრავლესობის ლიდერის მამუკა მდინარაძის განცახდებით, ის დაუკავშირდება მოძრაობა „ხმა ერისა ხმა ხსნისა“ წარმომადგენლებს, დაავალებს თავის აპარატს მოიკვლიონ საკითხი რის შემდეგაც საზოგადიებას გააცნობს აღნიშნულ ინფორმაციას:
„მე ჯერ არ ვიცი ეს ადამიანები რას აპროტესტებენ, დავუკავშირდები ადამიანს ვისაც ნომერი გამოვართვი, ამას აუცილებლად დეტალურად ჩავყვები, ჩემი აპარატის თანამშრომლებსაც დავავალებ, რომ დეტალურად გამოიკვლიონ ეს საკითხი და ამის შემდეგ, ჩვენ კიდევ ერთხელ გვექნება ასეთი ტიპის შეხვედრა ერთ კვირაში და იმ შეხვედრაზე და დეტალურად გეტყვით რამდენად საფუძვლიანია მოთხოვნა“ – გაბაცხადა შეხვედრის დასრულების შემდეგ მამუკა მდინარაძემ.
შეგახსენებთ, რომ ზუგდიდში ხელოვნებისა და კულტურის განვითარების ცენტრში ქართული ოცნების ლიდერებმა პარტიულ აქტივთან შეხვედრა გამართეს, შეხვედრის პარალელურად კი შენობასთან მოძრაობამ „ხმა ერისა ხმა ხსნისა“ აქცია გამართა. აქციის მონაწილეები ბანკების ვალების მოქალაქეებისთვის ჩამოწერას ითხოვენ.
შეხვედრის დაწყებამდე აქციის მონაწილეებს საპარლამენტო უმრავლესობის ლიდერი მამუკა მდინარაძე, პარტიის რეგიონული მდივანი დიმიტრი სამხარაძე და სახელმწიფო რწმუნებული გიორგი გუგუჩია შეხვდნენ.
ამავე თემაზე: კულტურის ცენტრთან აქციის მონაწილეებს მამუკა მდინარაძე შეხვდა
