უკვე მეორე დღეა ანაკლიის სანაპიროზე ფესტივალი Echowaves მიმდინარეობს. წუხელ განახლებულ სცენაზე მსოფლიოში განთქნულმა დიჯეებმა დაუკრეს, მათ შორის იყვნენ ნინა კრავიცი და ეტაპ კაილი.
ფესტივალი Echowaves-ი ანაკლიის სანაპიროზე წელს უკვე მეორედ იმართება და მისი ერთ-ერთი მთავარი მიზანი, რეგიონის ეკონომიკური განვითარება და ტურისტებისთვის მიმზიდველი ღონისძიების ჩატარებაა.
გასულ წელს ანაკლიას ფესტივალის ფარგლებში, 70-მდე ქვეყნიდან ეწვივნენ სტუმრები ხოლო საერთაშორისო მედიაში 27 000 000-ზე მეტმა ადამიანმა შეიტყო საქართველოსა და ფესტივალის შესახებ. Echowaves , 2014 და 2018 წლების ევროპის საუკეთესო ფესტივალის ტიტულის მქონე EXIT-ის მხარდაჭერით ტარდება.
