ხობის მერი დავით ბუკია სოფელ ხამისკურში გზის მოწყობის სამუშაოებს გაეცნო
ხობის მუნიციპალიტეტის ხამისკურის ადმინისტრაციულ ერთეულში გზის რეაბილიტაციის პროექტი ხორციელდება.
ხამისკურში მიმდინარე სამუშაოებს ხობის მუნიციპალიტეტის მერი, დავით ბუკია და მერის პირველი მოადგილე, რევაზ ზაქარაია გაეცნენ.
პროექტის შესაბამისად იგება ბეტონის საფარი, განხორციელდება გზის სავალი ნაწილის ჰორიზონტალური მონიშვნა, დამონტაჟდება საგზაო ნიშნები, მოეწყობა ბეტონის სანიაღვრე არხები და ეზოებთან მისასვლელები.
გზის რეაბილიტაციის სამუშაოები 1 767 000 ლარით, რეგიონებში განსახორციელებელი პროექტების ფონდისა და ადგილობრივი თვითმმართველობის დაფინანსებით ხორციელდება.
