განათლების მინისტრი სოფელ ხუნწში სასკოლო კლუბ ,,გვირილების” წევრებს შეხვდა
საქართველოს განათლების, მეცნიერებისა და ახალგაზრდობის მინისტრი გივი მიქანაძე და სამეგრელო-ზემო სვანეთის სახელმწიფო რწმუნებული დავით ვერავა მარტვილის მუნიციპალიტეტის სოფელ ხუნწის საჯარო სკოლაში იმყოფებოდნენ, სადაც მოსწავლეებს, მასწავლებლებსა და სკოლის ადმინისტრაციას შეხვდნენ.
მინისტრს და სახელმწიფო რწმუნებულს სასკოლო კლუბის „გვირილების“ წევრებმა უმასპინძლეს და მუსიკალური, ქორეოგრაფიული ნომრები, ასევე ლიტერატურული კომპოზიციები წარმოადგინეს.
მინისტრთან და სახელმწიფო რწმუნებულთან ერთად სკოლაში, ასევე იმყოფებოდნენ მარტვილის, აბაშის, წალენჯიხისა და ჩხოროწყუს დელეგატი ილია ინჯია, მარტივილის მუნიციპალიტეტის მერი გიორგი ნაჭყებია და საკრებულოს თავმჯდომარე ელდარ თოდუა.
