როგორ აღწერდა ზუგდიდს კონსტანტინე გამსახურდია
როგორ აღწერდა ქართველი მწერალი, კლასიკოსი კონსტანტინე გამსაზურდია ზუგდიდის დადიანების სასახლეს, ჭადრების ხეივანსა და მთავარ გამზირს:
,,დადიანისეული სასახლის გასწვრივ მურატისეული სდგას. იგი ევროპული ვილის გეგმაზეა აგებული. ფეოდალის სასახლე და ერთქუჩიანი ქალაქი!
ამ მხრივ მეთვრამეტე საუკუნის ვაიმარს მოგვაგონებს ზუგდიდი. მიურატისეულ სასახლესთან, აწინდელ მუზეუმთან იწყება ზუგდიდის შესანიშნავი ჭადრების ხეივანი.
შუაშუ პატარა რუ მიწანწკარებს ბეტონის საწოლში ჩაკირული. გაზაფხულზე კიდევ მოისმის ამ რუს ლიკლიკი, მაგრამ შემოდგომით, როცა გაღმა-გამოღმა ჩარაზმულ ჭადრებიდან ცვენას იწყებენ ფოთლები, რუ მთლად დაილევა, და ამ ჩალისფერი აბრეშუმის საბნის ქვეშ ისე ღიმღამებს, როგორც ბალღის უვნებო სიზმარი. ამ ჭადრების ხეივნის გაღმა-გამოღმა მიდის ეს ერთადერთი გამზირიც’’ - წერდა კონტანტინე გამსახურდია.
