21-26 სექტემბერს საჯარო და კერძო სკოლებში სასკოლო სპორტის კვირეულ გაიმართება
21 სექტემბრიდან 26 სექტემბრის ჩათვლით საქართველოს მუნიციპალიტეტებსა და საჯარო და კერძო სკოლებში სასკოლო სპორტის კვირეულ გაიმართება, რითაც სასკოლო სპორტული ოლიმპიადა 2026-2027 წლის სეზონი გახსნება.
ღონისძიების დაგეგმვასთან დაკვაშირებით, სამეგრელო-ზემო სვანეთის სახელმწიფო რწმუნებულის ადმინისტრაციაში, ადგილობრივი თვითმმართველობის ორგანოებთან ურთიერთობის სამსახურის ორგანიზებით, მუნიციპალიტეტების, განათლების რესურსცენტრების და საქართველოს სასკოლო სპორტული ოლიმპიადის წარმოამდგენლებთან შეხვედრა გაიმართა.
საქართველოს ბავშვთა და სასკოლო სპორტის ეროვნული ფედერაცია, საქართველოს სპორტის სამინისტროს, საქართველოს განათლების, მეცნიერებისა და ახალგაზრდობის სამინისტროს, საქართველოს ეროვნული ოლიმპიური კომიტეტის, სახელმწიფო რწმუნებულის ადმინისტრაციების და მუნიციპალიტეტების შესაბამისი სამსახურების მხარდაჭერით, მთელი ქვეყნის მასშტაბით, ყოველწლიურად ატარებს სასკოლო სპორტის კვირეულს და საქართველოს სასკოლო სპორტულ ოლიმპიადას.
სასკოლო სპორტული ოლიმპიადა, მასობრივ სპორტში, ქვეყანაში მოქმედი მასშტაბური პროგრამაა, რომელშიც ყოველწლიურად საქართველოს 1800-ზე მეტი სკოლა და 100 000-მდე მოზარდია ჩართული.
