სერგი ჩანგელიას ოჯახში ზუგდიდის მერის წარმომადგენლები იმყოფებოდნენ

სერგი ჩანგელიას ოჯახს ზუგდიდის მუნიციპალიტეტის მერია ქირით უზრუნველყოფის პროგრამაში ჩართვას შესთავაზებს. მერიის შესაბამისი სამსახურების წარმომადგენლები ჩანგელიების ოჯახში არსებულ მდგომარეობას გაეცნენ, მათი საცხოვრებელი სახლის ნაწილი ჩამოინგრა. ინფორმაციას ზუგდიდის მერია ავრცელებს.

„მერიის ჯანდაცვისა და სოციალური სამსახურის წარმომადგენლებმა ასევე, შესთავაზეს მცირეწლოვანი ბავშვის ბავშვთა განყოფილების შესაბამის პროგრამაში ჩართვა. ოჯახი მერიისგან ერთჯერად ფულად დახმარებას და პირველადი მოხმარების ნივთებს მიიღებს.

ოჯახის არასრულწლოვანი ბავშვის დედა, ზუგდიდის მუნიციპალიტეტის მერიის სხვადასხვა სოციალური პროგრამით სარგებლობს“ - აცხადებენ მერიაში.