აბაშის საკრებულოს იასონ კიზირია უხელმძღვანელებს
აბაში მუნიციპალიტეტის საკრებულოს თავმჯდომარედ, ფარული კენჭისყრით საკრებულოს წევრებმა იასონ კიზირია აირჩიეს. საკრებულოს ახლად არჩეულმა თავმჯდომარემ წარმომადგენლობითი ორგანოს წევრებს ნდობისა და მხარდაჭერისთვის მადლობა გადაუხადა და მომავალ საქმიანობაში წარმატებები უსურვა.
საკრებულოს თავმჯდომარის პირველი მოადგილედ პაატა ხოშტარია აირჩიეს, ხოლო მოადგილეებბად ზეზვა მაკალათია და მამუკა კვიტაშვილი.
საკრებულოს სხდომაზე ცნობად იქნა მიღებული 3 ფრაქციის დაფუძნება: ფრაქცია “ქართული ოცნება – დემოკრატიული საქართველო” – თავმჯდომარე როინ კაჭარავა; ფრაქცია „ხალხის“ ძალა“- თავმჯდომარე ვლადიმერ ავალიანი ; ფრაქცია ,,ევროპელი სოციალისტები“ -თავმჯდომარე დიმიტრი ვერულაშვილი.
საკრებულოს სხდომაზე ცნობად იქნა მიღებული საკრებულოს კომისიების შემადგენლობა, არჩეულ იქნა კომისიების თავმჯდომარეები.
იურიდიულ, სამანდატო საპროცედურო საკითხთა და ეთიკის კომისიის თავმჯდომარედ – დავით ცანავა უხელმძღვანელებს, სოციალური, განათლების და კულტურის საკითხთა კომისიის თავმჯდომარედ – ზაზა გუგუშვილი, ინფრასტრუქტურის, ეკონომიკური და ქონების მართვის კომისიის თავმჯდომარედ – გიორგი ქოიავა, საფინანსო-საბიუჯეტო კომისიის თავმჯდომარედ შალვა ჯღარკავა, აგრარულ და მიწის საკითხთა კომისიის თავმჯდომარედ – ზაალ ნოდია აიჩიეს.
საკრებულოს პირველ სხდომას ესწრებოდნენ: აბაშის მუნიციპალიტეტის მერი გიგა გაბელაია, მერის მოადგილეები, სხვადასხვა სამსახურების წარმომადგენლები.
