ფოთის მერმა 9 აპრილის მემორიალი გვირგვინით შეამკო
09.04.2025 / 9 აპრილი 2025
9 აპრილის ტრაგედიიდან 36 წელი გავიდა.
ქალაქის მერმა ბექა ვაჭარაძემ, ადგილობრივი ხელისუფლების წარმომადგენლებთან ერთად, 9 აპრილის ტრაგედიისას დაღუპულთა მემორიალი ყვავილებით შეამკო.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, მოქალაქეების მშვიდობიანი აქცია დაარბია, რასაც დამოუკიდებლობისთვის მებრძოლი 21 ქართველი ახალგაზრდის სიცოცხლე შეეწირა.
საქართველოს დამოუკიდებლობისთვის ბრძოლის ისტორიაში აღნიშნული ტრაგიკული მოვლენა გარდამტეხი აღმოჩნდა და ზუსტად ორი წლის თავზე, 1991 წლის 31 მარტის რეფერენდუმის საფუძველზე, დამოუკიდებლობა სწორედ ამ დღეს – 9 აპრილს გამოცხადდა.
