ზუგდიდის N2 საბავშვო ბაღში სასწავლო პროცესი გადაიდო – თანამშრომლები თვითიზოლაციაში არიან
10.10.2020 / 10 ოქტომბერი 2020
ზუგდიდის N2 საბავშვო ბაღში 12 ოქტომბერს სასწავლო პროცესი არ განახლდება, მიზეზი ახალი კორონავირუსია, რომელიც ამავე ბაღის ძიძას დაუდასტურდა. კონტაქტების მოსაძიებლად მიმდინარეობს ღრმა ეპიდემიოლოგიური კვლევა.
ბაღის თანამშრომლები, ჯანდაცვის საზოგადოებრივი ცენტრის რეკომენდაციით, თვითიზოლაციაში გადავიდნენ, საბავშვო ბაღს კი დეზინფექცია ჩაუტარდა. სწავლის გადადების გადაწყვეტილება საბავშვო ბაღის აღსაზრდელების უსაფრთხოების მიზნით იქნა მიღებული. სასწავლო პროცესი განახლდება ჯანდაცვის ცენტრის რეკომენდაციის შესაბამისად.
