თვითმარქვია ექიმს “ნაციონალები” ექომაგებიან – ლანა ლაცუზბაია ისევ ფორმაშია
დე ფაქტო აფხაზეთის ტერიტორიაზე მოღვაწე თვითმარქვია ექიმის, ლანა ლაცუზბაიას სკანდალურ საქმეს ზუგდიდის ადგილობრივი ტელევიზია “ოდიში” და ზონდერი, ე.წ “ჟურნალისტი” ლევან თორია ეხმაურება. საავტორო გადაცემაში მან პირდაპირ ეთრში ჩართო ადამიანი, რომლის ირგვლივაც პროკურატურას კითხბევი აქვს, მაგრამ ემალება.
ლანა ლაცუზბაიასთან ერთად გადაცემაში მონაწილეობა მიიღო ე.წ “არასამთავრობო ორგანიზაციის” სახელით მოქმედმა “ნაციონალმა” ბესიკ შენგელიამ. შენგელია ლანა ლაცუზბაიას ერთ-ერთ საუკეთესო კადრად მიიჩნევს და ხსნის, რომ ის თბილისში ერთ-ერთი სტომატოლოგიური კლინიკის ხელმძღვანელია.
ცნობისთვის, დღეს STV NEWS-თან სტომატოლოგიური კლინიკის “32 DENT”-ის ხელმძღვანელმა განმარტა, რომ ლანა ლაცუზბაიას კლინიკა არც არასოდეს ეკუთვნოდა, რადგან კლინიკა რეალურად მან დროებით საგებლობაში, კონტრაქტის საფუძველზე გადასცა.
ამასთანავე, კლინიკის დირექტორმა ხაზგასმით აღნიშნა, რომ ლანა ლაცუზბაიამ ტენდერები აფხაზეთის ჯანდაცვის სამინისტროში მოიგო, თუმცა ვალდებულებები არ შეასრულა და ოკუპირებულ აფხაზეთში მიიმალა.
ლანა ლაცუზბაიამ კლინიკის მენეჯერად ყოფნის დროს 2017-2018 და 2019 წლებში მოიგო ტენდერები. ამ დროისთვის შესყიდვებზე პასუხისმგებელი პირი ჯანდაცვის მინისტრის მოადგილე, ამავე დროს სატენდერო კომისიის თავმჯდომარე იყო თენგიზ კვირტია. თენგიზ კვირტია ყოფილი ჯანდაცვის მინისტრის, დალილა ხორავას ნდობით აღჭურვილი პირია.
შეგახსენებთ, რომ სტომატოლოგიური კლინიკა “32 DENT” ლანა ლაცუზბაიას წინააღმდეგ პროკურატურაში შესატანად სარჩელს ამზადებს. ლანა ლაცუზბაიამ სატენდერო ვალდებულებები არ შეასრულა და ხელფასების გარეშე დატოვა მედიკოსები. მან ოკუპირებულ აფხაზეთში მიმალვა შეძლო.
