ზუგდიდის მერიამ, ბიზნეს სექტორთან ერთად, საკვები პროდუქტი 4000 მდე ოჯახს გადასცა
მაღალი სოციალური პასუხისმგებლობის მქონე ბიზნესის ჩართულობით, განსაკუთრებული საჭიროებების მქონე მოქალაქეების საკვები პროდუქტებითა და პირადი ჰიგიენის საშუალებებით უზრუნველყოფა გრძელდება.
ამჯერად, ქართული ბიზნეს ჯგუფის „სი-ბი-ეს-ის“ მხარდაჭერით, ზუგდიდის მუნიციპალიტეტში მცხოვრებმა 50 ოჯახმა სასურსათე პაკეტები მიიღო. რეგიონის მასშტაბით კი, „სიბიეს ჯგუფის“ მხარდაჭერით კომპანიის მიერ შექმნილი სპეციალური სასურსათე პაკეტი 300 ოჯახს დაურიგდება.
ზუგდიდის მუნიციპალიტეტის მერიამ, ბიზნეს სექტორთან ერთად, საკვები პროდუქტი 4000 მდე ოჯახს გადასცა. ასევე, კერძო სექტორის ჩართულობით, მედიკამენტები, ბავშვის საკვები და ჰიგიების საშუალებები დარიგდა. საკვები პროდუქტი, აგრეთვე, გაიცა 4280 საბავშვო ბაღის აღსაზრდელზე. მერის გადაწყვეტილებით, აღნიშნული პროცესი გაგრძელდება მაისის თვეში.
