კორონავირუსის გამო, ოკუპირებული აფხაზეთის ტერიტორიაზე შესვლა 7 აპრილამდე შეიზღუდა
25.02.2020 / 25 თებერვალი 2020
ოკუპირებული აფხაზეთის ე.წ. მთავრობა ახალი კორონავირუსის გამო მდინარე ენგურზე სანიტარული კონტროლის გამკაცრების შესახებ იუწყება.
ოკუპირებული აფხაზეთის მცხოვრებლებს „საზღვარგარეთ“ გამგზავრებისგან თავის შეკავება ურჩიეს. ამის შესახებ რუსეთის მიერ ოკუპირებული რეგიონის ე.წ. პრეზიდენტის მოვალეობის შემსრულებელმა ვალერი ბგანბამ გააკეთა.
გარდა ამისა, ოკუპირებული აფხაზეთის ტერიტორიაზე, რუსეთის გარდა, ყველა სხვა ქვეყნის მოქალაქეების შესვლა 7 აპრილამდე შეიზღუდა.
რუსეთის მიერ ოკუპირებული რეგიონის ე.წ. ჯანდაცვის მინისტრი თამაზ წახნაკია კი აცხადებს, რომ სანიტარული კონტროლი გამკაცრდა ენგურის ხიდზე.
დღესვე ოკუპირებულ აფხაზეთში განაცხადეს, რომ უახლოეს ხანში მიიღებენ კორონავირუსის ტესტსისტემას, რომელიც რუსეთის ქალაქ ნოვოსიბირსკის სამედიცინო ცენტრშია დამზადებული.
მსგავსი სიახლეები
ენგურის გადაცურვისას დაღუპული თამაზ ბასლანძის ცხედარი ოკუპირებული აფხაზეთის ტერიტორიაზე გადაასვენეს
სახელმწიფო მინისტრის აპარატი ოკუპირებული აფხაზეთის გალის რაიონის სოფელ საბერიოში მომხდარი ტრაგედიის გამო დაღუპულთა ოჯახის წევრებსა და მათ ახლობლებს უსამძიმრებს
