,,ყველა ბავშვი სკოლაში“- საინფორმაციო შეხვედრა ზუგდიდის მერიაში
ზუგდიდის მუნიციპალიტეტის მერიის სხდომათა დარბაზში, სკოლის მიღმა დარჩენილი მოზარდების მიმართ ცნობიერების ამაღლების კამპანიის ფარგლებში შეხვედრა გაიმართა.
კამპანიას საქართველოს განათლების, მეცნიერების, კულტურის და სპორტის სამინისტროსთან თანამშრომლობით, ორგანიზაცია ა(ა)იპ ,,სამოქალაქო საზოგადოების განვითარების ცენტრი ” ახორციელებს.
შეხვედრას რომელსაც ზუგდიდის მუნიციპალიტეტის მერის მოვალეობის შემსრულებელი მაიზერ ნანავა, მერიის განათლების, ძეგლთა დაცვის, კულტურის, სპორტის და ახალგაზრდულ საქმეთა სამსახურის, საჯარო სკოლების დირექტორები, საგანმანათლებლო რესურსცენტრისა და შინაგან საქმეთა სამინისტროს წარმომადგენლები ესწრებოდნენ, ბავშვის განათლებისა და განვითარების უფლებების დაცვის აუცილებლობის, განათლების უფლების შეზღუდვის შემთხვევაში მშობლის/მეურვის პასუხისმგებლობის საკითხები, ასევე ზოგადსაგანმანათლებლო დაწესებულებებიდან ადრეული დატოვების შემთხვევაში მოზარდის და საზოგადოების წინაშე არსებული რისკები და გამოწვევები განიხილეს.
მაიზერ ნანავამ სტუმრებს მობრძანებისთვის მადლობა გადაუხადა და იმ პროგრამებზე ისაუბრა, რომელსაც მერია განსაკუთრებული საჭიროების მქონე ბავშვებისთვის ახორციელებს.
კამპანია მიზნად ისახავს სკოლის მიღმა დარჩენილი მოზარდების მიმართ ინფორმირებულობის გაზრდას ბავშვის განათლების უფლებისა და მისი დარღვევის შესახებ ბავშვთა დაცვის მიმართვიანობის (რეფერირების)პროცედურებში ჩართული უწყებების შესაბამისი სტრუქტურული ერთეულის თანამშრომლებისათვის.
