ზუგდიდში, საერთაშორისო პროექტის სახალისო ფეხბურთის ღია სკოლები“ დასკვნითი ღონისძიება გაიმართა, რომელშიც 7-14 წლამდე ასაკის 200-მდე ბავშვი მონაწილეობდა.
ღონისძიება თორმეტ ნაწილად დაყოფილ საფეხბურთო მოედანზე სხვადასხვა აქტივობით მიმდინარეობდა, რომელსაც პროექტის ფარგლებში სერტიფიცირებული ინსტრუქტორები უძღვებოდნენ.
ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ, საკრებულოს თავმჯდომარე მამუკა წოწერიასთან ერთად, მონაწილე ბავშვებს საჩუქრად სპორტული ინვენტარი გადასცა.
“სახალისო ფეხბურთის ღია სკოლები“ დანიის საგარეო საქმეთა სამინისტროსა და ევროპის საფეხბურთო ასოციაციების კავშირის ერთობლივი პროექტია, რომელიც საქართველოში 2003 წლიდან ხორციელდება. მისი მიზანია მსოფლიოს მასშტაბით კონფლიქტურ რეგიონებში ბავშვთა ინტეგრაციისა და სამოქალაქო განათლების ხელშეწყობა.
