სენაკის მუნიციპალიტეტის ჯანმრთელობის დაცვის ბიუჯეტი 11,8%-ით გაიზარდა
სენაკის მუნიციპალიტეტის ჯანმრთელობის დაცვის ბიუჯეტი, გასულ წელთან შედარებით, 2026 წელს, 11,8%-ით გაიზარდა და 1 188 000 ლარს შეადგენს. ინფორმაციას სენაკის მერია ავრცელებს.
ჯანმრთელობის დაცვის მიმართულებით გაიზარდა შემდეგი პროგრამების დაფინანსება:
საზოგადოებრივი ჯანდაცვის მომსახურება - 7,5%-ით;
მედიკამენტოზური მკურნალობა - 10, 5 % -ით;
დაწყებითი კლასის მოსწავლეთა პროფილაქტიკური გამოკვლევა - 12,5% -ით.
სენაკის მუნიციპალიტეტის მერია, ჯანმრთელობის დაცვის მიმართულებით, ასევე ახორციელებს სტაციონარული და ამბულატორიული მკურნალობის დაფინანსებას და თანადაფინანსებას.
გაზრდილი დაფინანსება სენაკის მუნიციპალიტეტს აძლევს შესაძლებლობას, გააძლიეროს ჯანმრთელობის დაცვის მიმართულებით არსებული პროგრამები და ადგილობრივი მოსახლეობისთვის, სამედიცინო სერვისები კიდევ უფრო ხელმისაწვდომი გახადოს.
