ხობის მუნიციპალიტეტის შავღელეს ადმინისტრაციულ ერთეულში შავღელეს სადრენაჟო სისტემის მოდერნიზაციის პროექტის პრეზენტაცია გაიმართა.

პროექტის ფარგლებში მოეწყობა სატუმბი სადგური, გაიწმინდება მაგისტრალური და მეორე რიგის სადრენაჟე არხები, კოლექტორები და ორნატები. ასევე, დაგეგმილია მილ-ხიდებისა და ხიდების რეაბილიტაცია.

პროექტის პრეზენტაციას „საქართველოს მელიორაციის“ გენერალური დირექტორი გიგლა თამაზაშვილი, ხობის მუნიციპალიტეტის მერი დავით ბუკია, საქართველოს პარლამენტის სოფლის მეურნეობის კომიტეტის წევრები, გარემოს დაცვისა და სოფლის მეურნეობის სამინისტროს, საქართველოს ენერგეტიკისა და წყალმომარაგების მარეგულირებელი ეროვნული კომისიისა და დონორი ორგანიზაციების წარმომადგენლები ესწრებოდნენ.

პროექტის განხორციელების შედეგად, 700 ჰექტარ სახნავ-სათესი მიწის ფართობზე მნიშვნელოვნად გაუმჯობესდება დრენაჟის სერვისები, რაც დადებითად აისახება სასოფლო-სამეურნეო წარმოებაზე.

პროექტი მსოფლიო ბანკის ფინანსური მხარდაჭერით ხორციელდება და 2029 წლისთვის დასრულდება.