სენაკის მუნიციპალიტეტის მერი, ვახტანგ გადელია, მოადგილე ნანა ზარანდიასთან ერთად, მუნიციპალიტეტში მცხოვრებ დაუნის სინდრომის მქონე მოზარდებს და მათ მშობლებს შეხვდა. მერმა მოზარდებს დამდეგი აღდგომის დღესასწაული მიულოცა და  თითოეულს 200-ლარიანი სასაჩუქრე ვაუჩერები გადასცა.

„დღეს ემოციური შეხვედრა მქონდა ჩვენს მუნიციპალიტეტში მცხოვრებ განსაკუთრებულ მოზარდებთან და მათ მშობლებთან. ვისაუბრეთ მიმდინარე სოციალური პროგრამების მნიშვნელობასა და აუცილებლობაზე, ასევე ახალ ინიციატივებზე, რომელთა მიზანია მხარდაჭერის მექანიზმების კიდევ უფრო გაძლიერება და ხელმისაწვდომობის გაზრდა. ჩემთვის მათი მხარდაჭერა არ არის მხოლოდ სოციალური ვალდებულება, ის ადამიანური პასუხისმგებლობაა, რომელიც გვახსენებს თანადგომისა და თანასწორობის მნიშვნელობას. ჩემი მთავარი მიზანია, ეს მხარდაჭერა იყოს სისტემური, მუდმივი და შედეგზე ორიენტირებული,“ - აღნიშნა სენაკის მერმა.

სენაკის მუნიციპალიტეტის მერია ასევე უზრუნველყოფს მოზარდებისა და მათი მშობლების ვიზიტს ბათუმის დელფინარიუმში, სადაც ისინი დელფინების სადემონსტრაციო პროგრამას დაესწრებიან. პროექტის ფარგლებში, სენაკის მერია სრულად დააფინანსებს როგორც ვიზიტს, ასევე ტრანსპორტირების ხარჯებს.