სენაკის მერი ვახტანგ გადელია: ,,ჩვენი ვალია, მუდამ გვახსოვდეს ეს დღე და გავუფრთხილდეთ ეროვნულ იდენტობას, რომელიც მათ დაგვიტოვეს”
სენაკის მერი ვახტანგ გადელია: ,,ჩვენი ვალია, მუდამ გვახსოვდეს ეს დღე და გავუფრთხილდეთ ეროვნულ იდენტობას, რომელიც მათ დაგვიტოვეს.”
,,მადლობა თავისუფლებისთვის“ - ასეთია 37-ე 9 აპრილის გზავნილი.
დილიდან, სენაკში, 9 აპრილის სკვერში, შეიკრიბნენ ადგილობრივი თვითმმართველობისა და საზოგადოების წარმომადგენლები.
სენაკის მუნიციპალიტეტის მერმა, ვახტანგ გადელიამ და საკრებულოს თავმჯდომარემ, ჯუმბერ ტყებუჩავამ, მოადგილეებთან, საკრებულოს წევრებთან და სხვადასხვა სტრუქტურების წარმომადგენლებთან ერთად, ყვავილებით შეამკეს 9 აპრილის მემორიალი და პატივი მიაგეს ქვეყნისთვის შეწირულთა ხსოვნას.
„37 წელი გავიდა 9 აპრილის ტრაგედიიდან - დღიდან, რომელმაც ჩვენი ქვეყნის ისტორია შეცვალა. დღეს პატივს მივაგებთ იმ გმირების ხსოვნას, რომლებმაც საკუთარი სიცოცხლის ფასად დაგვიტოვეს ყველაზე ძვირფასი - თავისუფლება.
9 აპრილი სამაგალითო ერთობის დღეა, რომელმაც კიდევ ერთხელ გვაჩვენა ქართველი ხალხის ერთიანობა ეროვნული თვითმყოფადობის და თავისუფლებისთვის ბრძოლაში.
ჩვენი ვალია, მუდამ გვახსოვდეს ეს დღე და გავუფრთხილდეთ ეროვნულ იდენტობას, რომელიც მათ დაგვიტოვეს,” - აღნიშნა სენაკის მერმა.
წმინდა იოანე ნათლისმცემლის სახელობის საკათედრო ტაძარში, დეკანოზმა იოანე კუპრეიშვილმა, სამშობლოს თავისუფლებისთვის დაღუპულთა სულების მოსახსენიებელი პანაშვიდი აღავლინა.
საქართველოსთვის შეწირულთა ხსოვნასა და სახელმწიფოებრივი დამოუკიდებლობის აღდგენის ისტორიულ თარიღებს მიეძღვნა თემატური გამოფენები - ჟიული შარტავას მუზეუმსა და ქალაქის საჯარო ბიბლიოთეკაში.
მსგავსი სიახლეები
ირაკლი კობახიძე: პატრიარქის გარდაცვალებით დასრულდა უდიდესი ეპოქა ჩვენი დედაეკლესიისა და ქართული სახელმწიფოს ისტორიაში. ჩვენი და ყველა მომავალი თაობის ვალია, ღირსეულად გავუფრთხილდეთ ჩვენი სულიერი მამის უდიდეს მემკვიდრეობას
ირაკლი კობახიძე: მამული, ენა და სარწმუნოება – ეს არის სამი მთავარი საყრდენი, რომელიც ქმნის საქართველოს ეროვნულ იდენტობას
