სახელმწიფო რწმუნებული რეგიონის მერებთან ერთად ენერგო პრო ჯორჯიას წარმოამადგენელებს შეხვდა
სამეგრელო-ზემო სვანეთის მხარეში სახელმწიფო რწმუნებული დავით ვერავა, რეგიონში შემავალი მუნიციპალიტეტების მერებს შეხვდა. ყოველკვირეულ სამუშაო თათბირს დღეს „ენერგო პრო ჯორჯიას“ დასავლეთ საქართველოს რეგიონული ფილიალის დირექტორი ალექსანდრე მეტრეველი და რეგიონში კომპანიის მთავარი ინჟინერი დაესწრნენ.
როგორც შეხვედრაზე სახელმწიფო რწმუნებულმა აღნიშნა:
„ზამთრის პერიოდში, დიდთოვლობის დროს, სამწუხაროდ გვქონდა გათიშვები, ხშირად მაღალმთიან სოფლებში პრობლემის მოგვარება რამდენიმე საათი ან მთელი დღე სჭირდებოდა, იყო შემთხვევები, როდესაც 2-3 დღეც დასჭირდა. არსებული ვითარება გამოწვეულია მოძველებული ელექტროსადენების, ელექტრო გადამცემი ბოძების გამო. „ენერგო პრო ჯორჯიამ“ თავისი უფლებამოსილების ფარგლებში უნდა უზრუნველყოს სადენების რეაბილიტაცია და მოქალაქეებს არ უნდა ჰქონდეთ ელექტროენერგიით მომარაგების პრობლემები“ - განაცხადა სახელმწიფო რწმუნებულმა.
„ენერგო პრო ჯორჯიას“ წარმოამდგენლებმა მუნიციპალიტეტების მიხედვით არსებული გეგმები წარმაოდგინეს, ბოლო პერიოდში კომპანიის მიერ უკვე განხორციელებულ სამუშაოებზე მიაწოდეს ინფორმაცია.
სახელმწიფო რწმუნებულის ადმინისტრაციაში გამართულ შეხვედრაზე რეგიონში მიმდინარე ინფრასტრუქტურული პროექტებიც განიხილეს.
შეხვედრას ასევე ესწრებოდნენ სახელმწიფო რწმუნებულის მოადგილეები და რწმუნებულის ადმინისტრაციის სამსახურების უფროსები. ამ შემადგენლობით მსგავსი ტიპის შეხვედრები ყოველკვირეულად იმართება.
მსგავსი სიახლეები
სახელმწიფო რწმუნებული ვეტერანების საქმეთა სახელმწიფო სამსახურის დირექტორს შეხვდა
სამეგრელო-ზემო სვანეთის სახელმწიფო რწმუნებული ტრნავის რეგიონის გუბერნატორს შეხვდა
