დამოუკიდებლობის დღის აღნიშვნა ზუგდიდში გალაკონცერტით დასრულდა

საქართველოს დამოუკიდებლობის დღე ზუგდიდში სხვადასხვა სახის შემეცნებით-საგანმანათლებლო ღონისძიებებით აღინიშნა.

ცენტრალურ მოედანზე გამოფენილი იყო თავდაცვის ძალების შეიარაღების ტექნიკა, ეროვნული არქივის ინსტალაცია, რომელიც საქართველოს გაქრისტიანების 1700 წელს მიეძღვნა, ადგილობრივი მეწარმეების ხელნაკეთი ნივთების გამოფენა-გაყიდვა, განთავსებული იყო ფოტო სივრცეები, საბავშვო სივრცე, გაიმართა ადგილობრივი საბავშვო ანსამბლების კონცერტი.

17:10 საათზე, ზუსტად იმ დროს, როდესაც საქართველოს დამოუკიდებლობა გამოცხადდა, საქართველოს ეროვნული ჰიმნი სახელოვნებო სკოლების გაერთიანების საგუნდო სკოლის აკადემიურმა გუნდმა შეასრულა.

ღონისძიებას ცენტრალური და ადგილობრივი ხელისუფლების წარმომადგენლები ესწრებოდნენ.

საზეიმო ღონისძიებები გალა კონცერტით დასრულდა.

ზუგდიდში დამოუკიდებლობის დღისადმი მიძღვნილი ღონისძიებები საქართველოს იუსტიციის სამინისტროსა და ზუგდიდის მუნიციპალიტეტის მერიის მხარდაჭერით გაიმართა.