ხობის მერმა დავით ბუკიამ სპორტსმენებს ოლიმპიურ ფესტივალზე წარმატებით ასპარეზობა მიულოცა
ხობის მუნიციპალიტეტის მერმა დავით ბუკიამ ხობელ სპორტსმენებს და მათ მწვრთნელებს საქართველოს ახალგაზრდულ ოლიმპიურ ფესტივალზე მოპოვებული წარმატება მიულოცა.
საქართველოს ეროვნული ოლიმპიური კომიტეტის ინიციატივითა და საქართველოს მთავრობის მხარდაჭერით გამართულ ფესტივალზე ხობელმა სპორტსმენებმა სპორტის სხვადასხვა სახეობაში ოთხი მედალი მოიპოვეს.
შეხვედრას ხობის მუნიციპალიტეტის მერის მოადგილე დავით ბერაია და შესაბამისი სამსახურის წარმომადგენლები ესწრებოდნენ.
პირველი ახალგაზრდული ოლიმპიური ფესტივალი მიზნად ისახავდა სპორტის მასობრიობის ზრდას, ნიჭიერი ახალგაზრდების გამოვლენას, რეგიონების აქტიურ ჩართულობას, მომავალი ოლიმპიელების აღმოჩენას, სპორტის, ოლიმპიური მოძრაობისა და ჯანსაღი ცხოვრების წესის პოპულარიზაციას.
