ერთიანი ეროვნული გამოცდების დაწყებასთან დაკავშირებით სამეგრელო-ზემო სვანეთის სახელმწიფო რწმუნებული დავით ვერავა სოციალურ ქსელში აბიტურიენტებისადმი მიმართვის ტექსტს ავრცელებს:

„ჩემო ძვირფასო აბიტურიენტებო, დღეს თქვენთვის ძალიან მნიშვნელოვანი დღეა, ერთიანი ეროვნული გამოცდები დაიწყო - მინდა წარმატებები გისურვოთ თითოეულ თქვენგანს!

თქვენი შრომა, ძალისხმევა, მიღებული განათლება აუცილებლად გამოიღებს შედეგს, როგორც ამ გამოცდებზე, ასევე მომავალში განათლებისა და დასახული მიზნების მისაღწევად.

თქვენი განათლება ჩვენი ქალაქების, რეგიონისა და სრულიად ქვეყნის მომავლისთვის უმნიშვნელოვანესია, სწორედ განათლებაზე დგას განვითარება, სიძლიერე და ჩვენი ქვეყნის მომავალი!

წარმატებებს და საუკეთესო შედეგებს გისურვებთ ცხოვრების ამ ახალ ეტაპზე!“ - წერს დავით ვერავა სოციალურ ქსელში.