ირაკლი კობახიძემ გაეროს უმაღლესი ტრიბუნიდან აფხაზ და ოს თანამოქალაქეებს მიმართა

საქართველოს პრემიერ-მინისტრმა ირაკლი კობახიძემ გაეროს გენერალურ ასამბლეაში სიტყვით გამოსვლისას აფხაზ და ოს თანამოქალაქეებს მიმართა:

,,ჩვენი ქვეყნის ტერიტორიის ოცი პროცენტი კვლავ ოკუპირებულია რუსეთის ფედერაციის მიერ, ხოლო ასობით ათასი ჩვენი იძულებით გადაადგილებული მოქალაქე საკუთარ სახლში დაბრუნებას ვერ ახერხებს. მსურს, ჩვენს აფხაზ და ოს ძმებს და დებს მივმართო - საუკუნეების მანძილზე ჩვენ ერთი სამშობლო გვქონდა და საერთო ისტორია გვაკავშირებდა, გამყოფი ხაზები ვერც ამ ისტორიას წაშლის და ვერც ჩვენი შვილების მომავალს განსაზღვრავს” - თქვა კობახიძემ.