სახელმწიფო რწმუნებული ჩინეთის სახალხო რესპუბლიკის დაარსების 77-ე წლისთავისადმი მიძღვნილ ღონისძიებას დაესწრო
სამეგრელო-ზემო სვანეთის სახელმწიფო რწმუნებული დავით ვერავა ჩინეთის სახალხო რესპუბლიკის დაარსების 77-ე წლისთავისადმი მიძღვნილ ღონისძიებას დაესწრო.
სახელმწიფო რწმუნებულმა ჩინეთის საელჩოს საქმეთა დროებით რწმუნებულს, დაი ჩუნიონგს და ჩინელ ხალხს ეროვნული დღესასწაული მიულოცა.
საქართველოსა და ჩინეთს შორის სტრატეგიული პარტნიორობის ფარგლებში, რეგიონების ჭრილში ურთიერთობების გაღრმავების მიმართულებით სამეგრელო-ზემო სვანეთის რეგიონსა და ჩინეთის შანტუნგის პროვინციას შორის ურთიერთგაგების მემორანდუმის გაფორმება იგეგმება, რისთვისაც რეგიონებს შორის თანამშრომლობის სფეროების განსაზღვრა მიმდინარეობს.
ღონისძიებას ეკონომიკისა და მდგრადი განვითარების მინისტრი მარიამ ქვრივიშვილი, პარლამენტის წევრები, სახელმწიფო რწმუნებულის პირველი მოადგილე ნინო ვიბლიანი, დიპლომატიური კორპუსისა და სხვადასხვა სფეროს წარმომადგენლები ესწრებოდნენ.
