ფოთის მერი: „ჩვენი მიზანია, ეტაპობრივად მოვიცვათ ქალაქში არსებული ყველა მრავალბინიანი საცხოვრებელი სახლი და არსებული პრობლემები თანმიმდევრულად მოვაგვაროთ"
მრავალბინიანი საცხოვრებელი სახლების მდგომარეობის გაუმჯობესება და წლების განმავლობაში დაგროვილი პრობლემების მოგვარება ქალაქ ფოთის მუნიციპალიტეტის ერთ-ერთი მნიშვნელოვანი პრიორიტეტია.
ქალაქის სხვადასხვა უბანში აქტიურად მიმდინარეობს შესაბამისი ინფრასტრუქტურული სამუშაოები.
ნინოშვილისა და გურიის ქუჩებზე მიმდინარეობს საცხოვრებელი კორპუსების ფასადების რეაბილიტაცია.
თავდადებულის ქუჩაზე მიმდინარეობს საცხოვრებელი კორპუსის გამაგრების სამუშაოები.
,, დავიწყეთ მრავალბინიანი საცხოვრებელი სახლების შიდა საკანალიზაციო სისტემების სრული რეაბილიტაცია, რაც ჩვენი ქალაქისთვის ერთ-ერთი მრავალწლიანი პრობლემის მოგვარებას ემსახურება.
სამწუხაროდ, გვაქვს შემთხვევაც, როდესაც ერთ-ერთი საცხოვრებელი კორპუსის გამაგრება შეუძლებელი აღმოჩნდა და აუცილებელი გახდა მისი დემონტაჟი. დემონტაჟის შემდეგ მის ადგილზე ახალი საცხოვრებელი სახლის პროექტირებას ვგეგმავთ.
ჩვენი მიზანია, ეტაპობრივად მოვიცვათ ქალაქში არსებული ყველა მრავალბინიანი საცხოვრებელი სახლი და წლების განმავლობაში დაგროვილი პრობლემები თანმიმდევრულად მოვაგვაროთ.
ამ მიმართულებით მუშაობას აქტიურად გავაგრძელებთ, რათა ფოთელებისთვის უფრო უსაფრთხო, მოწესრიგებული და კომფორტული საცხოვრებელი გარემო შევქმნათ"- განაცხადა ფოთის მერმა ბექა ვაჭარაძემ.
მსგავსი სიახლეები
ფოთის მერი: „ჩვენი მიზანია ქალაქის ყველა უბანში შეიქმნას უსაფრთხო, თანამედროვე და კომფორტული საგზაო ინფრასტრუქტურა“
ფოთის მერი: „ჩვენი მიზანია, თითოეული უბანი იყოს ინფრასტრუქტურულად გამართული და მაქსიმალურად მორგებული ადგილობრივი მოსახლეობის საჭიროებებს”
