საქართველოს პრეზიდენტმა სალომე ზურაბიშვილმა საკუთარი მრჩეველთა გუნდი წარმოადგინა. როგორც სალომე ზურაბიშჭვილმა დღეს გამართულ ბრიფინგზე განაცხადა, ჯერჯერობით, მხოლოდ გუნდის ნაწილი ჰყავს დაკომპლექტებული.

„როგორც დაგპირდით, დღეს წარმოგიდგენთ ჩემი გუნდის ნაწილს, რომელიც დღეს ინიშნება, მრჩეველთა გუნდს. როგორც იცით, საკმაოდ შეზღუდულები ვართ ამ მომენტში და სანამ არ ჩატარდება სრული რეორგანიზაცია და კონკურსი იმისთვის, რომ დავაკომპლექტოთ ბოლომდე ის ადგილები, რაც შტატით გვეკუთვნის, მაგრამ ჩვენ ვიწყებთ ამ ფორმატში მუშაობას.

სიმონ პეტრიდისი იქნება მრჩეველი შეზღუდული შესაძლებლობების მქონე პირების საკითხებში. როგორც ხედავთ, პრეზიდენტის სასახლე არ არის ბოლომდე ადაპტირებული, როგორც შშმ პირებისთვის არის საჭირო და ჩვენ ამ ცვლილებებს დავიწყებთ პრეზიდენტის სასახლიდან”-განაცხადა საქართველოს პრეზიდენტმა სალომე ზურაბიშვილმა.