დღეს, საზოგადო მოღვაწის, პუბლიცისტისა და კრიტიკოსის იონა მეუნარგიას დაბადებიდან 167-ე წლისთავი აღინიშნა.

ამ დღესთან დაკავშირებით, ზუგდიდის მუნიციპალიტეტის მერის მოადგილე კონსტანტინე კაკავამ, სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანმა, საკრებულოს თავმჯდომარე მამუკა წოწერიამ და ადგილობრივი ხელისუფლების წარმომადგენლებმა იონა მეუნარგიას ძეგლი ყვავილებით შეამკეს.

იონა მეუნარგია 1852 წლის 26 ნოემბერს ზუგდიდის რაიონის სოფელ ცაიშში, დეკანოზ მიხეილ მეუნარგიასა და სუსანა გაწერელიას ოჯახში დაიბადა.

დღესვე, იონა მეუნარგიას მშობლიურ სოფელ ცაიშში კულტურულ-საგანმანათლებლო ღონისძიებები გაიმართა.