საქართველოს საპრეზიდენტო არჩევნებისთვის საზღვარგარეთ, 41 ქვეყანაში 59 საარჩევნო უბანი გაიხსნება. გადაწყვეტილება ცენტრალურმა საარჩევნო კომისიამ დღეს მიიღო.

უკვე გამოცხადდა საუბნო საარჩევნო კომისიის წევრთა შესარჩევი კონკურსიც. საბუთების წარდგენა შესაძლებელია 29 სექტემბრიდან 3 ოქტომბრის ჩათვლით ცენტრალურ საარჩევნო კომისიაში, ან ცესკოს ელექტრონულ ფოსტაზე – abroad@cec.gov.ge.

საქართველოში საპრეზიდენტო არჩევნები 2018 წლის 28 ოქტომბერს გაიმართება.