ზურაბ ყიფშიძე – სალომე ზურაბიშვილმა კარგად იცის, რა ხდება ქვეყანაში, მსოფლიოში, ევროპაში, ძალიან კარგად
სალომე ზურაბიშვილს ძალიან ბევრი ნაბიჯი გადაუდგამს ისეთი, რასაც ყველა ვერ გააკეთებდა, – ამის შესახებ განცხადება მსახიობმა ზურაბ ყიფშიძემ რუსთაველის თეატრში, პრეზიდენტობის დამოუკიდებელი კანდიდატის, სალომე ზურაბიშვილის წარდგენის ღონისძიებაზე გააკეთა.
“ქალბატონმა სალომე ზურაბიშვილმა კარგად იცის, რა ხდება ქვეყანაში, მსოფლიოში, ევროპაში, ძალიან კარგად. ძალიან ბევრი ნაბიჯი გადაუდგამს ისეთი, რასაც ყველა ვერ გააკეთებდა. მან ძალიან კარგად იცის იმ ადამიანების ბედი, გრძნობები, რომლებიც სამშობლოს გარეშე ცხოვრობენ დიდი ხანია საზღვარგარეთ. ყველაფერი ესმის.
ძალიან ბევრი უნდა დავინახოთ და უნდა დავაფასოთ. ძალიან დიდი დამსახურებაა მისი, რომ ემიგრანტებმა დაიბრუნეს, ასე ვთქვათ, საქართველოს პასპორტები ოფიციალურად. ძალიან დიდი დამსახურებაა, რომ ისეთ მომენტებში, როცა უნდა ეთქვა თავისი სიტყვა, თქვა. არავისი არ მოერიდა. არის პირდაპირი, არაჩვეულებრივად განათლებული და ჭკვიანი ქალბატონი. მე მინდა წარმოგიდგინოთ საქართველოს პრეზიდენტობის დამოუკიდებელი კანდიდატი, ქალბატონი სალომე ზურაბიშვილი”, – განაცხადა წარდგენისას ზურა ყიფშიძემ.
მსგავსი სიახლეები
ირაკლი ჩიქოვანი – ყველას კარგად გვესმის და ვიცით, რა ხდებოდა 2012 წელს ზუგდიდში და ვხედავთ იმასაც, თუ რა ხდება 2020 წელს
ირაკლი კობახიძე: როგორც მთავრობის თავმჯდომარემ, შემიძლია, მოვუწოდო უკლებლივ ყველა კომერციულ სუბიექტს, ითანამშრომლონ ორივე ტელეკომპანიასთან. არავითარი რისკი არც ერთ ქართულ კომპანიას არ შეექმნება - ყველაფერი იქნება ძალიან კარგად
