პირველი იანვრიდან საქართველოში პენსია გაიზრდება
2019 წლის პირველი იანვრიდან საქართველოში პენსია გაიზრდება, – ამის შესახებ საქართველოს ფინანსთა მინისტრის მოადგილემ გიორგი კაკაურიძემ განაცხადა.
როგორც ჟურნალისტებს კაკაურიძემ განუცხადა, მომავალი წლიდან როგორც ასაკობრივი პენსია, ასევე მნიშვნელოვნად და მკვეთრად გამოხატული შეზღუდული შესაძლებლობების მქონე პირთა პენსია გაიზრდება.
კაკაურიძის ინფორმაციით, ასევე იგეგმება ა 0-დან 18 წლამდე შეზღუდული შესაძლებლობების მქონე ბავშვების პენსიის გაზრდაც.
„ბიუჯეტის კანონით პენსია განისაზღვრება, სხვა დანარჩენი – მთავრობის დადგენილებით. როგორც კი ბიუჯეტი დამტკიცდება, მთავრობა შესაბამის გადაწყვეტილებას მიიღებს“, – განაცხადა კაკაურიძემ.
საპარლამენტო კომიტეტებში 2019 წლის სახელმწიფო ბიუჯეტის პროექტზე მსჯელობენ.
საკანონმდებლო ორგანო დოკუმენტს დეკემბრის ბოლომდე დაამტკიცებს, თუმცა მანამდე მთავრობა ბიუჯეტის პროექტის კორექტირებას მოახდენს.
მსგავსი სიახლეები
პირველი იანვრიდან პენსია 20 ლარით გაიზარდა
რუხაძე საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო ღონისძიებებზე: პირველი ივნისიდან, საქართველოში წმინდა ნინოს შემობრძანების დღიდან ეს საიუბილეო ღონისძიებები ძალიან დიდ მასშტაბს მიიღებს
