სენაკის მუნიციპალიტეტის მერმა, ვახტანგ გადელიამ მოქალაქეთა მორიგი მიღება გამართა. ადგილობრივებმა მერთან მათთვის საჭირბოროტო და აქტუალურ საკითხებზე ისაუბრეს. მუნიციპალიტეტის მერი მოქალაქეების პრობლემებს გაეცნო და კომპეტენციის ფარგლებში, საკითხების გადაჭრა შესაბამის სამსახურებს დაავალა.

,,ჩვენ, ადგილობრივი თვითმმართველობა, ყველა შესაბამის სამსახურთან ერთად, მაქსიმალურად ვცდილობთ დროულად და ეფექტურად გადავწყვიტოთ ჩვენი მოქალაქეების წინაშე მდგარი პრობლემები. მსგავსი ხასიათის შეხვედრები გაგრძელდება. ჩემი მიზანია ვიზრუნო თითოეული სენაკელის კეთილდღეობისთვის“ – აღნიშნა სენაკის მუნიციპალიტეტის მერმა, ვახტანგ გადელიამ.

მოქალაქეთა მიღება ჯანდაცვის სამინისტროს რეკომენდაციების სრული დაცვით ჩატარდა. სენაკის მუნიციპალიტეტის მერიაში, მოქალაქეთა მიღება მერთან, ყოველი კვირის ოთხშაბათს, 12:00 საათიდან დაიწყება.