შეხვედრა წალენჯიხის მუნიციპალიტეტის თვითმმართველობის სხდომათა დარბაზში გაიმართა. შეხვედრას ესწრებოდნენ წალენჯიხის მუნიციპალიტეტის საკრებულოს წევრები, მოქალაქეები, ნაციონალური მოძრაობის წევრები, პოლიტიკოსები -პეტრე ცისკარიშვილი, პავლე ბოტკოველი და ანი წითლიძე.

მუნიციპალიტეტის მერმა 9 თვის მანძილზე განხორციელებული რეფორმების შესახებ დეტალურად ისაუბრა. აღინიშნა პროექტები, რომელიც წალენჯიხის მეგობართა გუნდის თანადგომითა და დაფინანსებით განხორციელდა. მათ შორის: არასაბიუჯეტო სახსრებით, თანამედროვე ინვენტარით მოეწყო და “საბა”-ზე ნომინირებული წიგნები გადაეცა მთავარ ბიბლიოთეკას.

სწავლის საფასური სრულად დაუფინანსდა საქართველის უნივერსიტეტის 18 სტუდენტს; გაიმართა ლიტერატურული ფესტივალი, რომლის ფარგლებშიც, საზოგადოებისთვის ცნობილი მწერალები, პოეტები და გამომცემლები წალენჯიხაში, ჯვარსა და ფახულანში იმყოფებიდნენ.

თანამედროვე სტანდარტების დონეზე მოეწყო და ამოქმედდა ფეხბურთის მოედანი ქალაქ ჯვარში; წალენჯიხის მუნიციპალიტეტში პირველად, გაიხსნა ნიკო კვარაცხელიას სახელობის IT აკადემია; სოფლის მეურნეობის განვითარების ხელშეწყობის მიზნით, წალენჯიხას სამუშაო ვიზიტის ფარგლებში, ვაგენინგენის უნივერსიტეტის პროფესორ-ექსპერტები ეწვივნენ;

შეხვედრის ფარგლებში, გიორგი ხარჩილავამ ყურადღება გაამახვილა ეფექტური მმართველობის მიმართულებებზე, კერძოდ: მერიაში რეორგანიზაცია განხორციელდა და ახლებურად განისაზღვრა სტრუქტურა; მუნიციპალიტეტს 45 სპორტული ჯგუფი დაემატა და 600-მდე მოსწავლე აქტიურად ჩაერთო სხვადასხვა სპორტულ აქტივობებში; ა(ა)იპ-ებში ახლებურად განისაზღვრა თანამშრომელთა უფლება-მოვალეობები და ფუნქციები; დაიწყო სამუშაო აღწერილობების განახლების პროცესი; ადმინისტრაციულ ერთეულებში მოქალაქეთა ტრანსპორტირებით უზრუნველყოფის საკითხებზე მუშაობა დაიწყო;

აღსანიშნავია, რომ მუნიციპალიტეტში სხვადასხვა მნიშვნელოვანი პროექტების განხორციელებაა დაგეგმილი. შეხვედრის დასასრულს, გიორგი ხარჩილავამ მოქალაქეთა მიერ დასმულ შეკითხვებს უპასუხა.