ხობის კულტურის სახლის დიდ საკონცერტო დარბაზში მასწავლებლის საერთაშორისო დღისადმი მიძღვნილი კონცერტი გაიმართა. მსმენელის წინაშე დავით არჩვაძე და კვარტეტი „ჰანგები“ ქართველი კომპოზიტორების მიერ შექმნილი სიმღერებით წარდგნენ.

კონცერტზე დავით არჩვაძის სიმღერის პრემიერა შედგა, რომლის მუსიკის ავტორიც თვითონ მომღერალია.კონცერტს მასწავლებლებთან ერთად, ხობის მუნიციპალიტეტის მერი დავით ბუკია, მერის პირველი მოადგილე რევაზ ზაქარაია და მერის მოადგილე დავით ბერაია ესწრებოდნენ.

მასწავლებლის საერთაშორისო დღისადმი მიძღვნილი ღონისძიება ხობის მუნიციპალიტეტის მერიის მხარდაჭერით და „ხობის მუნიციპალიტეტის კულტურულ-საგანმანათლებლო საზოგადოებრივი ცენტრის“ ორგანიზებით გაიმართა.