სენაკში, ქვალონი-ზემო ჭალადიდის დამაკავშირებელი გზის რეაბილიტაციის მასშტაბური პროექტი დასრულდა სენაკის მუნიციპალიტეტის ზემო ჭალადიდის ადმინისტრაციულ ერთეულში, ბორნისკენ მისასვლელი, სამ კილომეტრამდე გზის მონაკვეთზე, ასფალტო-ბეტონის საფარი დაიგო. წლების მანძილზე, გზის სავალ ნაწილზე შექმნილი დაზიანებები და მოშლილი ინფრასტრუქტურა მოსახლეობას გადაადგილებისას პრობლემას უქმნიდა. ამის შესახებ ინფორმაციას სენაკის მუნიციპალიტეტის მერია ავრცელებს:

„აღნიშნული პრობლემის მოგვარება სენაკის მუნიციპალიტეტის მერის, ვახტანგ გადელიას წინასაარჩევნო დაპირება იყო, რომელიც შესრულდა.

ზემო ჭალადიდის ადმინისტრაციულ ერთეულში, ქვალონი-ზემო ჭალადიდის დამაკავშირებელი გზის რეაბილიტაციის მასშტაბური პროექტის მიმდინარეობას, სახელმწიფო რწმუნებული სამეგრელო-ზემო სვანეთის მხარეში, გიორგი გუგუჩია, რწმუნებულის მოადგილე, დავით კუხალეიშვილი, სახელმწიფო რწმუნებულის მრჩეველი, დავით გვიშიანი, სენაკის მუნიციპალიტეტის მერი, ვახტანგ გადელია, მერის მოადგილე, ლევან ელიავა და შესაბამისი სამსახურის წარმომადგენლები გაეცნენ.

მასშტაბური პროექტის ღირებულებამ 1 075 741 ლარი შეადგინა.” ნათქვამია სენაკის მუნიციპალიტეტის მერიის მიერ გავრცელებულ ინფორმაციაში.