ირაკლი ღარიბაშვილი – დღეს უკვე დავიწყებთ ოფიციალურ მოქმედებას, რომელიც ანაკლიის პორტის მშენებლობას უკავშირდება
საქართველოს პრემიერ-მინისტრის, ირაკლი ღარიბაშვილის განცხადებით, მთავრობა ანაკლიის პორტის მშენებლობასთან დაკავშირებით ოფიციალურ მოქმედებებს იწყებს.
როგორც მან მთავრობის სხდომაზე განმარტა, ეკონომიკისა და მდგრადი განვითარების სამინისტრო შესაბამის პროცედურებს ამზადებს. მისივე თქმით, ანაკლიის პორტის მშენებლობა წელს დაიწყება.
„დღეს უკვე დავიწყებთ ოფიციალურ მოქმედებას, რომელიც ანაკლიის პორტის მშენებლობას უკავშირდება. ეკონომიკის სამინისტრო შესაბამის პროცედურებს ამზადებს. შეგახსენებთ, რომ ჩვენი გადაწყვეტილებით, ამ პორტის 51% სახელმწიფოს კუთვნილება იქნება, 49%-ზე ჩვენ საერთაშორისო ტენდერს გამოვაცხადებთ და პოტენციურ ინვესტორებს მოვიწვევთ. მაგრამ ჩვენ მათ შემოსვლას არ დაველოდებით. ჩვენ დავიწყებთ წელს სამუშაოებს. ჩვენი ამოცანა უნდა იყოს, წელსვე დავიწყოთ ანაკლიის პოსტის მშენებლობა.
ასევე, აქტიურად გრძელდება გზების, მაგისტრალების მშენებლობა. აეროპორტის გაფართოების და სხვა კონცეფციებზე აქტიურად ვმუშაობთ. ასე რომ, ყველა მიმართულებით ჩვენ პოზიტიური სიახლეები გვაქვს,“ – განაცხადა პრემიერმა.
მსგავსი სიახლეები
რა ვიცით ჩინური კონსორციუმის შესახებ, რომელიც ანაკლიის პორტის მშენებლობას აპირებს
ანაკლიის პორტის მშენებლობისთვის გათვალისწინებული იქნება ჯამურად 70 მილიონი ლარი – ირაკლი ღარიბაშვილი
