ირაკლი კობახიძე: მინდა პრეზიდენტს შევახსენო მისი განცხადებები 2008 წლის ომთან დაკავშირებით – იქნებ გაიხსენოს და ამის მერე ისაუბროს მეორე ფრონტთან დაკავშირებულ კონსპირაციებზე
რაც შეეხება თემას, თითქოს მეორე ფრონტი არის კონსპირაცია, მინდა პრეზიდენტს შევახსენო მისი განცხადებები 2008 წლის ომთან დაკავშირებით: რას ამბობდა ომის შესახებ, როგორ დაიწყო, იქნებ გაიხსენოს საკუთარი განცხადებები და ამის მერე ისაუბროს მეორე ფრონტთან დაკავშირებულ კონსპირაციებზე, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან განაცხადა.
„არსებობს გლობალური ომის პარტია, რომელსაც აქვს ინტერესი, მაქსიმალურად გახანგრძლივდეს მაგალითად, უკრაინაში პირველი ფრონტი, საქართველოში გაიხსნას მეორე ფრონტი, სამხედრო კონფლიქტი მათი სურვილის მიხედვით გადავიდეს სხვა ქვეყნებში. ეს ძალიან სამწუხარო და შემაშფოთებელია. ამ ფონზე, მთავარია დავიცვათ საკუთარი სახელმწიფო ინტერესები და ქართული საზოგადოება უნდა იყოს ფხიზლად – საქართველოს უკრაინიზაცია არ უნდა დავუშვათ. ამას სჭირდება ყოველდღიური სიფხიზლე. ეს რისკები ჯერ კიდევ აქტუალურია. მეორე ფრონტთან დაკავშირებული რისკები არის აქტუალური. საზოგადოება უნდა იყოს ფხიზლად, რათა გლობალურ ომის პარტიას საქართველოში საკუთარი გეგმების რეალიზების საშუალება არ მისცეს“, – განაცხადა კობახიძემ.
მსგავსი სიახლეები
ირაკლი კობახიძე – ჩავარდა პირველი და მეორე სპექტაკლი, ახლა დაიწყო პირველი სპექტაკლის მეორე სერია
„ჩავიდეს წალენჯიხაში და დახვდება მისი პოლიტიკური გუნდის წარმომადგენელი, წალენჯიხის მერი” – ირაკლი კობახიძე სალომე ზურაბიშვილს მიმართავს
