საქართველოს მთავრობის ადმინისტრაციის ორგანიზებით „მთის დღეები“ წელს მეორედ გაიმართება. მთის ხალხის ყოველდღიურობა და ტრადიციები, განსაკუთრებული სტუმარ-მასპინძლობა, სამზარეულო, ლეგენდები, ცეკვა და სიმღერა, ეს ის არასრული ჩამონათვალია, რასაც ორგანიზატორები ფესტივალის სტუმრებს შესთავაზებენ.

თუშეთი – ომალო, იმერეთი – გორდი, გურია – ბახმარო, რაჭა – შოვი, სვანეთი- უღვირის ტბა, ყაზბეგი – ელიას ტყის მიმდებარედ – ეს ის ადგილებია, სადაც წელს მთის კვირეული, 15 და 22 ივლისს გაიმართება.

საფესტივალო ტერიტორიაზე მისული სტუმრები სხვადასხვა აქტივობაში მიიღებენ მონაწილეობას. გაეცნობიან მთის ხინკლის ისტორიას, ასევე გამოფენილი იქნება ადგილობრივი მეწარმეების გამოფენა-გაყიდვა, ეთნოგრაფიული შემეცნებითი კუთხე. სტუმრები დაესწრებიან ქსოვისა და რეწვის გაკვეთილებს.

მთელი დღის განმავლობაში ცნობილი შეფები მოამზადებენ სხვადასხვა კერძს და ჩაატარებენ მასტერკლასებს. დღე კი ცნობილი მომღერლების კონცერტით დასრულდება.

მთის დღეებთან დაკავშირებით 22 ივლისს მესტიის ცენტრიდან უღვირის მიმართულებით და პირიქით მესტიის მიმართულებით მოსახლეობას უფასოდ მოემსახურება მესტიის მუნიციპალიტეტის მერიის მიერ გამოყოფილი ტრანსპორტი.

ტრანსპორტირება მოხდება ყოველ სრულ საათზე.

რაც შეეხება პროგრამის შესახებ უფრო დეტალურ ინფორმაციას, ის შემდეგნაირად გამოიყურება:

სვანეთი, მესტია, უღვირის ტბა

14:00–18:00 საათი– ფონური მუსიკა DJ

14:00-19:00 საათი- ადგილობრივი მეწარმეების პროდუქციის გამოფენა-გაყიდვა

15:00 – 17:30 საათი- მშვილოდოსნობა, ფრენბურთი, ბადმინტონი, ცხენების ტური, ბრენდ შეფი კონსტანტიტე თედელურის კერძების დეგუსტაცია, შეფ გიგი აფციაურის კერძების დეგუსტაცია, ადგილობრივი მზარეულის მიერ დამზადებული ტრადიციული კერძების დაგემოვნება

16:00 საათი- დაჯილდოების ცერემონია „მთის დღეები 2023“

16:30 საათი – ადგილობრივი შემსრულებლების კონცერტი

18:00 – 19:30 საათი – ანსამბლი „ქართული ხმები“ და ბენდი

19:35 – 20:00 საათი- ქართული ნაციონალური ბალეტი „სუხიშვილები“

20:00- 22:00 საათი – მთის ამბების თხრობა და სიმღერა კოცონთან – „ჩვენი კვარტეტი“, ნეკა სებისკვერაძე.